its a kind of satire on our present society

 

Aaj meri gali me ek budhdha mar gaya
peeche chod saari daulat
beta, beti, poton ke naam
aaj meri gali me
ek budhdha mar gaya !!!!

 

Har ghar me patni sawal kare hai pati se
aaj kaun si sadi pehnu ??
aaj haar pehnu kaun sa ??
aaj meri gali me
ek budhdha mar gaya !!!

 

Phoot phoot kar ro rahi thi tab
khilkhila ke abhi has rahi hai jo
wo beti thi us budhdhe ki jo chal basa
aankhon me abhi hain aansu uske
hanste hue pet me hai bal jo pad gaya
aaj meri gali me
ek budhdha mar gaya !!!

 

Roz roz sunne ko milti thiñ usko
bete ki gaaliyan, bahu ke tane, poton ki zillatein
har roz uske adhmare rehne se achcha hua
aaj wo adhmara budhdha
poora mar gaya
aaj meri gali me
ek budhdha mar gaya !!!

 

Safed poshon me bhi
logon ke muunh par hasii hoti hai
maiyyat , maiyyat nahi
shab-e-ursa lagti hai
aaj fursat mili hai logon ko
ek doosre se baat karne ki
kyunki – aaj meri gali me
ek budhdha mar gaya !!!

 

Kitne naqaab odhe hue hain sabhi ne
rukh pe apne
kitne kathor,
kitne beraham ho gaye hain log
matlab hai sirf khud se
na parwaah doosron ki
ye sab kuch mujhe aaj hi pata chala
kyunki aaj
meri gali me ek budhdha mar gaya
peeche chod sari daulat
beta, beti, poton ke naam
aaj meri gali me
ek budhdha mar gaya !!!